Add to favourites
News Local and Global in your language
21st of January 2018

Sport



په ۳۵ بالونو د روهېت شرما سلیزه

هندي لوبغاړي روهېت شرما پرون د سري لنکا پر وړاندې دویمه شل اوریزه لوبه کې په ۳۵ توپونو سلیزه پوره کړه، چې له دې سره یې د سوېلي افریقا له ډېوېډ مېلر سره د تېزې سلیزې رېکارډ برابر شو.

شرما په پرونۍ لوبه کې په ۴۳ توپونو ۱۱۸ منډې وکړې، چې هند په ۸۸ منډو وګټله.

روهېت ۱۰ شپږیزې او ۱۲ څلوریزې ووهلې.

دغه ۳۰ کلن لوبغاړي په ۳۵ توپونو د سوېلي افریقا ډېوېډ میلر هغه ریکارډ مات کړ، چې په تېره اکتوبر میاشت کې یې د بنګله دېش پروړاندې سلیزه کړې وه.

هند د تېرې چارشنبې په ورځ په ۹۳ منډو لومړنۍ سیالي وګټله.

له دې مخکې، په ۲۰۱۶ کال کې د هند کرېکټ لوبډلې بل لوبغاړي راهول همدا منډې په ۴۶ توپونو د وېسټ تانډیز پر وړاندې جوړې کړې وې.

په ټي ټونټي سیالیو کې د هند لوبډلې تر اوسه تر ټولو ډېرې منډې جوړې کړې.

هند په دې لوبه کې سریلانکا ته ۲۶۱ هدف ټاکلی و، چې په مقابل کې یې د سریلانکا ټول ټیم یوازې ۱۷۲ منډې پوره کړې.

په خواله رسنیو کې روهېت شرما د ښې لوبې کولو له امله ډېر ستایل شوی.

یوازې دا نه چې د هند لوبډلې په ټي ټونټي سیالیو کې د وېسټ انډیز پر وړاندې تر ټولو ډېرې ښپږیزې وهلې او ریکارډ یې جوړ کړی او دا ۲۱ شپږیزې روهیت شرما په ۱۰ لومړنیو اورونو کې وهلي.

په دې سیالیو کې له دې مخکې هم روهېت شرما له سریلانکا سره په یو ورځنيو لوبو کې دوه سلیزې وهلې وې.

په ۲۰۱۳ کال کرېس ګل ای پي اېل کې په ۳۰ توپونو سلیزه پوره کړې وه.

خو ترې وړاندې، په ۲۰۱۰ کال هندي لوبډله کې یوسف پټان بیا ای پي اېل کې په ۳۷ توپونو سلیزه کړې وه.

Read More




Leave A Comment

More News

BBC Urdu - کھیل

BBC Pashto - لوبې

CBSSports.com Headlines

Sportando | RSS Feed

Goal.com News -

Sports News - UPI.com

Disclaimer and Notice:WorldProNews.com is not the owner of these news or any information published on this site.