Add to favourites
News Local and Global in your language
22nd of January 2018

Sport



ویراټ کوهلي د ای پي ایل تر ټولو ګران بیه لوبغاړی

وتلی هندی کرېکټ لوبغاړی وراټ کوهلي د هند غوره لیګ یا ای پي ایل سیالیو تاریخ تر ټولو ګران بیه لوبغاړی ثابت شو. د دغو سیالیو یولسم پړاو لپاره د ویراټ کوهلې بدل کې دوه نیم میلیونه او دوه سوه زره ډالر ورکړل شوي، چې دا ای پي ایل کې د یوه لوبغاړي لپاره تر ټولو ډېرې ورکړل شوې پېسې دي.

رایل چېلنجرز بنګلور لوبډلې د وراټ کوهلي بدل کې دغه پېسې ورکړې دي. د ای پي ایل تېر کال سیالیو کې هم وراټ کوهلې د همدغې لوبډلې لپاره لوبېدلی و.

دغه ۲۰ اووریزې سیالۍ د اتو لوبډلو تر منځ کېږي او له دې مخکې یوراج سینګ هغه لوبغاړی و، چې ۲۰۱۵ کال کې یې د دوه نیمو میلیونو ډالرو بدل کې لوبه کړې وه او د ډېرو پېسو اخیستونکو لومړي سر کې و.

'له انوشکا شرما سره کوژده نه کوم'

راشد خان لومړۍ ای پي ایل لوبه کې دوه لوبغاړي وسوځول

د ای پي ایل لسم پړاو

۲۹ کلن وراټ کوهلې دا وروستیو کې له هندۍ فلمي ممثلې انوشکا شرما سره واده کړی او له مخکې یې نوم د نړۍ ګرانه بیه لوبغاړو په نوملړ کې شامل دی.

د وراټ لوبډلې رایل چېلنجرز بنګلور د سویلي افریقا وتلي لوبغاړي اي بي ډیویلیرز ته دغو سیالیو کې د ګډون بدل کې ۱۷۰۰ زره ډالر ورکړي.

د اې ایف پي خبري اژانس رپوټ کې د استرالیا کپتان سټېو سمیت او اوپنر توپ وهونکي ډېوېډ وارنر نومونه هم د بهرنیو ګران بیه لوبغاړو په نوملړ کې یاد شوي، چې هر یو د ۱۹۰۰ زره ډالرو بدل کې د خپلو مخکینیو لوبډلو له لوري اخیستل شوی دی.

سټېو سمیت لوبه کې د درغلیو له دوه کلن بندیز وروسته ای پي ایل کې د راجهستان رایلز او ډېوېوډ وارنر سن رایزرز حیدراباد له لوري لوبېږي.

چنئي سوپر کینګز لوبډله له دوو کلونو ځنډ وروسته ای پي ایل سیالیو کې ګډون کوي.

Read More




Leave A Comment

More News

BBC Urdu - کھیل

BBC Pashto - لوبې

CBSSports.com Headlines

Sportando | RSS Feed

Goal.com News -

Sports News - UPI.com

Disclaimer and Notice:WorldProNews.com is not the owner of these news or any information published on this site.